呢條線站位極度難搵,非成日都有車,仲叫呢條線取代21,有限智能先講得出呢句。話雖係馬頭角道有兩個站,但搵唔到塊牌,搭21（有幾次搭5C去慈雲山）坐上層行晒成條馬頭角道,後尾發現一牌放在「中華煤氣公司」巴士站前站塊倒下,一塊放在「欣榮花園」巴士站生銹到牌上文字無法辦認。跟住時間表係25分鐘先一班,仲要係唔跟時間表開。所以話咁嘅服務質素無人刻意等非無原因。
先講背景資料,此路線為1992年招標線之一,與48同一組。1993年年底開辦,當時為九龍城碼頭至順利循環線。後來（日期不詳）改為順天至九龍城碼頭循環線。大約2003年,因土瓜灣客量不高,改為只於上下繁去九龍城碼頭,其餘時間改為九龍城迴旋處調頭。大約2008年再縮減至只於上下繁服務至今。
在2012年,馬亞木曾表示想取消部份蝕本專線包括本線在內,惟最後沒有下文。
再講此路線客源,現時客源多數為四順落坪石,而坪石至翔龍灣一段客量嚴重偏低,上午繁忙時間可能會有土瓜灣上四順學生客。此路線全車空載本人亦非少見多怪。
定線方面,獨市位只有一個。有超過八成路段與26重疊,往土瓜灣方向由順天至木廠街一段更完全與26重疊。
唔使審一睇就知咁嘅定線班次肯定係蝕到被人放棄嘅路線。只因成本效益不大。
Tags:
網誌